సాయినాథ అష్టోత్తర శతనామావళి . " ఓం అసహాయ సహాయాయ నమః

 సాయినాథ అష్టోత్తర శతనామావళి  .

" ఓం అసహాయ సహాయాయ నమః "

"ఎవరూ లేని దీనులకోసం సాయినాథుడు చాపును కరుణా హస్తం " అన్నది సాయి అభయం 

" నీవే తప్ప నితంపరం ఎరుగ " అని బాబాను 

శరణువేడిన మరు క్షణంలో ఆయన సహాయము 

అందుతుంది .దాసగణు మహరాజ్ ,కానాభిల్ అను గజదొంగ చేతిలో చిక్కి " సాయీ రక్షించు "

అను చేసిన ఆర్తనాదమే అతణ్ణి కాపాడింది .

నిరుపేదగా జీవించిన మహాకవి బమ్మెర పోతనగారి ఇంటికి వెయ్యిమంది అతిథులు ఒక్క 

సారి రాగా " నిస్సహాయుడను ! నీవే కాపాడు తల్లీ 

అని శారదామాతను ప్రార్దించగా స్వయంగా రామలక్ష్మణులు వచ్చి కావలిసిన వంట సరుకులు 

అందచేసి వెళ్లారు .నిండుకొలువున నిస్సహాయురాలిగా నిలబడిన ద్రౌపదిని కాపాడినది ఆ పరమాత్మే గదా ! నిస్సహాయులకు ఒక క్షణంలో సహయము దొరుకుట సాయిభక్తులకు అడుగడుగునా అనుభవాలే .

బాబాను చూడాలనీ ఎంతో దూరంనుండి వచ్చింది 

ఒక వృద్ధురాలు .మశీదు ద్వారమువద్ద గల జన 

సందోహం దాటి వెళ్ళలేక ,శక్తిలేక బయట నేలమీదే కూలబడిపోయింది .బాబా కోసం తెచ్చిన 

రొట్టెలో సగంపైగా ఆకలికి తట్టుకోలేక తినివేసింది .

ఏదో బాధ స్వామిని చూడలేదని ఆర్తి .ఆ వృద్ధురాలి మనసుతో పిలిచిన పిలుపు బాబాకు 

వినిపించిందెమో ! బాబా శ్యామాను పిలిచి " నాకోసం వచ్చి ఒక ముసలామె వచ్చి మశీదు గడపలో ఉన్నది .దారి లేక అల్లాడుతున్నది .వెళ్ళి 

ఆ ముసలామెను తీసుకు రా ! .ఆమె తనవద్దకు 

రాగానే పలకరించి "నాకోసం ఏమి తెచ్చావమ్మా ?

అని అడిగి ఆ మిగిలిన ఎండిపోయిన రొట్టెను 

తిన్నారు ఎంతో ప్రేమగా .అది భక్తులయెడల సాయిబాబా చూపే ప్రేమ హస్తం .