శ్రీ షిరిడీసాయి బాబాను అనన్యంగా, అంకిత భావముతో ఆరాధించి, సేవించిన మహిళా భక్తులలో శ్రీమతి లక్ష్మీబాయి షిందే ఒకరు

*శ్రీ షిరిడీసాయి బాబాను అనన్యంగా, అంకిత భావముతో ఆరాధించి, సేవించిన మహిళా భక్తులలో శ్రీమతి లక్ష్మీబాయి షిందే ఒకరు.*

*ఈమె బాబాకు షుమారు 45 సంవత్సరాలు సేవచేసినది. ఈమె పూర్తి పేరు లక్ష్మీబాయి తుకారం షిందే.*

*బాబాకు మరొక భక్తుడైన భాగోజీ షిందే ఈమె భర్తకు మేనమామ.*

*ఈమె బాబాకు రోజూ భొజనం తెచ్చేది.* 

*అంతేగాక అచంచల విశ్వాసంతో బాబాను రాత్రీ పగలూ సేవించేది.*

*బాబా ఈమెను ఆప్యాయంగా "లక్శ్మి మా " అని సంబోధించేవారు.*

*మహాల్సాపతి, తాత్యాకోతే పాటిలకు ఇచ్చిన ప్రత్యేక అధికారము వలెనే,  ఈమెకు కూడా రాత్రులతో సహా అన్నివేళలా మశీదులోకి (ద్వారకామాయి ) లోకి ప్రవేశించడానికి ఏకైక మహిళ ఈమె మాత్రమే.* 

*(ఆ రోజులలో ఒక తెర మశీదు తలుపులా పనిచేసేది.*

*మరియు మశీదు పై భాగాన్ని కప్పి ఉండేది )తెర దించిన పిదప లక్ష్మిబాయికి తప్ప మశీదులోకి మరెవ్వరికీ ప్రవేశముండేది కాదు.*

*ఒకరోజు సాయంత్రం యదావిధిగా బాబా మశీదు గోడకు ఆనుకొని తాత్యాపాటీలతో కబుర్లు మాట్లాడుకొంటుండగా లక్ష్మీబాయి అక్కడకు వచ్చి బాబాకు నమస్కరించింది.*

*బాబా లక్ష్మీబాయితో " లక్శ్మీ బాయి ! నేను చాలా ఆకలితో ఉన్నాను.*

*ఏదైనా ఆహారం తీసుకు రా ! " అని బాబా చెప్పగానే లక్ష్మీబాయి తన ఇంటికి పరుగెత్తి వెళ్ళి, ఆహారముగా రొట్టెలు వగైరా పదార్థములు వేడి వేడిగా తయారుచేసుకొని ఒక ప్లేటులో పెట్టుకుని, మసీదుకు వచ్చి బాబా ముందు పెట్టింది.* 

*బాబా ఆ అహారపు ప్లేటును తీసుకుని అక్కడే ఉన్న కుక్క ముందు ఉంచారు. అది చూసి లక్ష్మీబాయి ఆశ్చర్యపోయింది.*

*ఆమె వెంటనే బాబాతో "బాబా ! మీకొరకు తొందరగా రొట్టెలు, కూర తయారు* *చేసుకొచ్చాను అది మీకు సమర్పించాను. కానీ దానిని కుక్కకు పెట్టావు.*

*నువ్వు ఒక ముక్క కూడా రుచి చూడలేదు " అని లక్శ్మి బాయి చెప్పగా "లక్శ్మీ బాయి ! ప్రతిజీవిలో భగవంతుడు ఉంటాడు.*

*మీరు పెట్టిన ఆహారం, ఆకలితో ఉన్న ఏ జీవి నోటిలోకి ప్రవేశిస్తే, అది నా నోటిలోకి పడినదని నిశ్చయించుకొండి !".*

*అందువల్ల ఏదైనా ప్రాణికి ఆహారము ఇస్తే అది బాబాకు ఇచ్చినట్లే అని లక్ష్మీబాయికి సూచించాడు.*

*ఆ రోజునుండి లక్ష్మీబాయి బాబా కొరకు రొట్టెలు తీసుకురావటం ప్రారంభించింది.*

*లక్ష్మీబాయి భోజనం వచ్చేవరకు వేరే పదార్థములు ముట్టుకొనేవారు కాదు.*

*కొన్నాళ్ల తరువాత రొట్టెలు బదులు" ఖీర్ " అని సేమియాతో తయారుచేసే తీపి పాయసం తీసుకొనేవారు.*

*ఆ పాయసం కొంత రుచి చూసిన తరువాత,  మిగిలినది రాధాకృష్ణ మాయికి పంపేవారు.*

*సాయిబాబా మహాసమాధికి ముందు మశీదులో ఉన్న ఏడుగురిలో లక్ష్మిబాయి శిందే ఒకరు.*

*బాబా తన దేహత్యాగానికి ముందు లక్ష్మిబాయికి అయిదు మరియు నాలుగు మొత్తం తొమ్మిది బ్రిటిషు కాలంనాటి వెండి నాణాలు ఇచ్చారు.*

*ఆ వెండి నాణాలు బాబాకు ఎలా లభించాయి ? వాటిని ఎలా భద్రపరిచారు అన్నది ఎవ్వరికీ తెలియలేదు.*

*షిరిడీలో సాయి బాబా విగ్రహ, ప్రతిష్ట సమాధి మందిరంలో* 

*7 -10 -1954 నాడు జరిగినప్పుడు లక్ష్మీబాయి శిందే ప్రత్యక్షముగా పాల్గొన్నది.*

*శ్రీసాయి బాబా అనుగ్రహాన్ని పొందిన ఈ భక్తురాలు ధన్యజీవి.*

*ఈమె 115 సంవత్సరములు జీవించి, చివరగా 02-6 -1962 (ఆ రోజు ఏకాదశి ) నాడు శరీరాన్ని విడచి తన ఇష్టదైవమైన సాయినాధునిలో ఐక్యంచెంది నేటికి 61 ఏళ్లు ముగిసాయి.*

            *ఒక సేకరణ*