భక్తుల జీవితాలలోని అంధకారం తొలగించి జ్యోతులను నింపే శివలింగాన్ని జ్యోతిర్లింగం అంటారు

*భక్తుల జీవితాలలోని అంధకారం తొలగించి జ్యోతులను నింపే శివలింగాన్ని జ్యోతిర్లింగం అంటారు.* 

*అటువంటి జ్యోతిర్లింగాలు మన దేశములో పన్నెండు వున్నాయి.*

 

*అందులో మొదటిది గుజరాత్ లోని సౌరాష్ట్ర ప్రాంతంలో ఉన్న సోమనాథలింగం.* 

*త్రేతాయుగములో రావణాసురుడు ఇక్కడ తపస్సుచేసి పది తలలను పరమశివునికి సమర్పించాడంటారు.*

*ద్వాపరయుగములో శ్రీకృష్ణ భగవానుడు ఈ జ్యోతిర్లింగాన్ని ఆరాధించినట్లు పురాణాలు చెబుతున్నాయి.*

*రెండో జ్యోతిర్లింగం మన రాష్ట్రంలోని కర్నూలుజిల్లా శ్రీశైలంలో వుంది.*

*మల్లికార్జున మహాలింగమని అని దీని పేరు.*

*చంద్రగుప్తుడు అను రాజుకు చంద్రవతి అను కుమార్తె ఉండేది.* 

*ఆమెను వివాహం చేసుకోవడానికి ఎందరో రాజకుమారులు పోటీ*

*పడుతుండగా, ఆమె ఎటూ చెప్పలేక రాజ భవనాన్ని వదలి శ్రీపర్వతం మీద తపస్సు చేసిందట.*

 *ఆమె తపస్సుకు మెచ్చి పరమశివుడు ప్రత్యక్షమై వరం కోరుకోమంటే ఆమె అల్లిన మల్లెపూల దండ పరమశివుని శిరస్సును గంగలాగా అలంకరించి ఉండాలని కోరుకోవడంవల్ల మల్లికార్జునుడు అని పేరు వచ్చిందంటారు.* 

*మూడవ జ్యోతిర్లింగం మహాకాళేశ్వరుడు.* 

*నేటి ఉజ్జయినికి ప్రాచీన నామం అవంతి.* *మార్కండేయుని రక్షించటానికి కాలుడైన యముణ్ణి సంహరించిన ఘనత ఈయనకు ఉండటంవల్ల మహాకాలుడు అని పేరు స్థిరపడింది.*

 *తరువాత జైనమతస్తుడైన ఒక రాజు అవంతిని ఉజ్జయినిగా మార్చాడు.*

*ఉజ్జయిని అంటే జైనమతానికి నెలవు అని అర్థం* 

*ఈ జ్యోతిర్లింగం ప్రస్తుతం మధ్యప్రదేశ్ రాష్ట్రంలో ఉన్నది.*

*నాలుగో జ్యోతిర్లింగం ఓంకారేశ్వరం.*

*మధ్యప్రదేశ్ లో రెండువైపులా వింధ్య పర్వతాల నడుమ, నర్మదా కావేరి నదుల మధ్య ఉన్న క్షేత్రము ఇది.* 

*సూర్యవంశ రాజైన మాంధాత అడవికి వెళ్ళినప్పుడు ధూపదీప నైవేద్యాలు లేని ఒక శివలింగం కనపడింది.* 

*ఆ లింగం నుంచి " ఓం " అని ప్రణవనాదం వినిపిస్తుంది.* 

*అప్పుడు కొందరు ఋషులను, పండితులను అక్కడకు తీసుకెళ్లగా ఆ లింగానికి " ఓంకారేశ్వరుడు " అని పేరుపెట్టారు.* *మాంధాతమహారాజు ఓంకారేశ్వరునికి గొప్ప దేవాలయము నిర్మించి పూజలు చేశాడు*

 *అయిదో జ్యోతిర్లింగం భూమికి 11500 అడుగుల ఎత్తులో ఉన్న కేదారేశ్వర లింగం.* *హిమాలయాపర్వతం మీద ఉంది.* 

*ఈ ఆలయాన్ని పాండవులు నిర్మించారంటారు.*

*ఆరో జ్యోతిర్లింగం భీమశంకరం.* 

*నేటి మహారాష్ట్రలో సహ్యాద్రి పర్వతం మీద ఉంది. ఇక్కడ " భీమా "అను నది ప్రవహిస్తుంది.*

*అందుకే ఈ లింగానికి భీమశంకరం అని పేరు.*

*ఈ ప్రాంతానికి ఢాకిని అని మరోపేరు ఉన్నది.*

*ఢాకిని అంటే దక్షప్రజాపతి కూతురు దాక్షాయణి పరమశివునికై ఆమె తపస్సు చేసిన భూమి ఇది.*

*ఉత్తరప్రదేశ్ లో ఉన్న ఏడో జ్యోతిర్లింగం వారణాశి.*

*వారణ - అసి అని రెండు నదుల సంగమము వల్ల వారణాసి అయినది.*

*విశ్వనాథుడు, విశ్వేశ్వరుడు అని ఈ దేవుని పేరు.*

*ఎనిమిదో జ్యోతిర్లింగం* 

*" త్రైయంబకేశ్వరం ".*

*మహారాష్ట్రలోని గోదావరి నది పుట్టిన చోట,సహ్యాద్రి అను కొండమీద వుంది.*

*ఇక్కడ పంచవటి అని పేరు గల అయిదు వటవృక్షాల* 

*సముదాయంలో సీతాలక్ష్మణ సమేతుడై శ్రీరాముడు వనవాసం చేశాడని ప్రతీతి.*

*తొమ్మిదో జ్యోతిర్లింగం వైద్యనాధేశ్వరం. ఇది మహరాష్ట్రలో ఉంది.* 

*ఈ జ్యోతిర్లింగాన్ని సృశించడంవల్ల దీర్ఘ వ్యాధులు సైతము నయమవుతాయని, వైద్యము చేసేవాడు కనుక వైద్యనాధేశ్వరుడు అని పేరు.* 

*క్షీరసముద్ర మధనంలో బయటపడిన దేవతావైద్యుడు ధన్వంతరి ప్రతిష్ఠించిన లింగం అని భావించడంవల్ల ఈ* *జ్యోతిర్లింగానికి అధిక ప్రాముఖ్యం వుంది.* 

*పదో జ్యోతిర్లింగం నాగేశ్వరలింగం.* 

*గుజరాత్ లోని పశ్చిమ సముద్రతీరాన  ద్వారకా పట్టణానికి సమీపంలోని దారుకావనంలో ఈ లింగం వుంది.*

*దారుకుడు అను రాక్షసుడు దుష్ట చేష్టల నుండి కాపాడమని సుప్రియుడు అను భక్తుడు కోరగా పరమశివుడు దారుకుణ్ణి సంహరించి ప్రజలను కాపాడాడని చెబుతారు.*

 *సుప్రియుని కొరికమేరకు నాగేశ్వర లింగం రూపంలో దారుకావనంలో పరమశివుడు స్ధిరపడ్డాడని కథనం.*

*పదకొండో జ్యోతిర్లింగం రామేశ్వరం.* 

*శ్రీరాముఁడు ప్రతిష్ఠించిన ఈశ్వరుఁడు కనుక రామేశ్వరుడు అను పేరువచ్చింది.* 

*లంకాధిపతీ రావణుని జయించటానికి శ్రీరాముఁడు సముద్రం మీద సేతువు నిర్మిస్తాడు.* 

*తామ్రపర్ణి అనే నది ఇక్కడ సముద్రం లో కలుస్తుంది.* *పన్నెండో జ్యోతిర్లింగం ఘృష్టే శర్వము.*

 *మహారాష్ట్రలోని ఎల్లోరా గుహలు దగ్గరలో వుంది.* *ఎల్లోరా ప్రాచీన నామం ఇలాపురం. ఒకప్పుడు పార్వతీపరమేశ్వరులు* 

*కొంతకాలం ఇక్కడ ఉన్నారట.* 

*ఒకనాడు పార్వతీదేవి తన ఎడమ అరచేతిలోని కుంకుమను కుడిచేతి ఉంగరపు వేలితో రుద్దుతుండగా ఆ ఘర్షణకు ఒక జ్యోతి ప్రజ్వరిల్లిందనీ దాన్ని అక్కడే శివలింగంలో ప్రవేశపెట్టినది అని కథనం.* 

*ఆమె వేలి ' ఘర్షణతో' ఆవిర్భవించిన లింగం కనుక*

*" ఘృష్టే శ్వర " లింగం అని పేరు వచ్చిందంటారు.*

*ఈ ద్వాదశ జ్యోతిర్లింగాలు దర్శించలేనివారు కనీసము స్మరించినా వారి కోర్కెలు సిద్ధిస్తాయని శివపురాణం చెబుతుంది.*

🕉️🕉️🕉️🕉️🕉️🕉️🕉️🕉️🕉️🕉️