పాండురంగ భక్తురాలైన జానాబాయి రచించిన భక్తి గీతాలు మనకు కాకడ హారతిలో వినిపిస్తాయి.

 *పాండురంగ భక్తురాలైన జానాబాయి రచించిన భక్తి గీతాలు మనకు కాకడ హారతిలో వినిపిస్తాయి.* 

*ఆమె మరొక పాండురంగ భక్తుడైన నామదేవ్ ఇంటి పరిచారిక.*

*జానాబాయి అపరిమిత భక్తి శ్రద్ధలు విని కొంతమంది భక్తులు ఆమె వద్దకి వెళ్లారు.*

*జానాబాయి పశువుల పేడను పిడకలు గా ఎండబెట్టి, వంటకు పొయ్యిలో ఉపయోగించేది.*

 

*ఒకసారి అమె పేడతో పిడకలు చేసి ఆరటానికి, ఇంటి గోడకు పెట్టి వెళ్లిపోయింది.*

 *అది చూసి ఆ పిడకలు ఆరిపోయిన తరువాత, ఆ పక్కింటి మహిళ దొంగిలించింది.*

*పైగా జనాబాయితో తగవు పెట్టుకొంది. "గోడకు ఉన్న పిడకలన్నీ నావే "అని వాదించసాగింది.*

*అదివిన్న జానాబాయి అక్కడున్నవారితో "నేను పెట్టిన పిడకలలో పాండురంగని నామం వినిపిస్తుంది.*

*పిడకలును చెవి క్రింద పెట్టుకుని వినండి.*

*పాండురంగ నామం వినిపిస్తుంది " అని చెప్పగా, అక్కడ గల భక్తులు ఆమె చెప్పినట్లే చేసారు.*

*వారికి పిడకలలో పాండురంగ నామం వినిపించింది. ఆ పిడక లన్ని జానాబాయివే అని తీర్పు చెప్పారు.*

*జానాబాయి తనుచేస్తున్న ప్రతిపని యందు పాండురంగ నామ స్మరణ చేస్తూ పనులు చేసుకునేది.*

*నామ స్మరణే ముక్తికి మార్గము.*

*" పాండురంగ హరి, జై జై రామకృష్ణ హరి, పాండురంగ హరి, జై జై రామకృష్ణ హరి.*