కోరవలిసిన మూడు కోరికలు.* *భగవంతుణ్ణి మనం ఏదైనా కోరితే దాన్నే తీరుస్తాడు.*

 *కోరవలిసిన మూడు కోరికలు.*

*భగవంతుణ్ణి మనం ఏదైనా కోరితే దాన్నే తీరుస్తాడు.*

*ఏదీ కోరకుండా నమస్కరిస్తే మనకు ఏది అవసరమో దాన్నే ఇస్తాడు, అని అంటారు పెద్దలు.*

*నిజమే రెండోదే శ్రేయస్కరం.* 

*కానీ సామాన్య మానవులం కనుక ఏ కోరికనూ కోరుకుండా ఉండలేం, కనుక ఏదో ఒకటి కోరుతూనే ఉంటాము.*

*ఎవరి అవసరం వారిది.*

*ఎవరి కోరిక వారిది.*

*అందరమూ అన్ని సమయాలలో కోరవలిసిన కోరికలు మూడు ఉన్నాయి* 

*అవి ఏమిటంటే* 

*'అనాయాసేన మరణం* 

 *వినా దైన్యేన జీవనం* 

 *దేహంతే తవ సాయుజ్యం* 

 *దేహి మే పార్వతి పతే '*

 *ఎటువంటి యాతన పడకుండా చాలా సులభంగా మరణించటం,* 

*ఏ విధమైన దీనావస్థకూ లోను కాకుండా గౌరవంగా జీవించటం,*

*మరణించిన తరువాత నీలో ఐక్యమైపోవటం -* *పరమేశ్వరా ఈ మూడు వరాలనూ నాకు ప్రసాదించు !*

*మన శరీరానికి దగ్గర మరణాలు - వ్యాధి, ముసలితనం, మరణం - చాలా సహజమైన, అనివార్యమైన లక్షణాలు.*

*ఈ మూడు స్థితులలోనూ శరీరం యాతనకు గురి కాక తప్పదు.*

*ముసలితనం రాగానే శరీరంలోని అవయవాలు ఒక్కొక్కటి పని చేయకపోవటం.*

*మల మూత్ర విసర్జనకు కూడా అవతలకు వెళ్లే శక్తిలేక మంచంలోనే కానివ్వటం, తాను ఇబ్బంది పడుతూ ఇతరులను ఇబ్బంది పెట్టడం - ఈ శారీరిక కష్టాలేవీ లేకుండా "ఉర్వారుక మివ ..." బాగా పండిన దోస పండు తొడిమ నుంచి ఏ విధంగానైతే మృదువుగా ఊడి పోతుందో ఆ విధంగానే ఈ శరీరం నుంచి ప్రాణం బయటకు వెళ్ళిపోవాలి.*

*అంత హాయిగా మరణించాలి.*

*ఇదీ మొదటి కోరిక.*

*ప్రతీ మనిషికి తీరవలిసిన కనీస అవసరాలు మూడు.*

*కడుపు నిండా భొజనం, ఒంటినిండా మంచి వస్త్రం,  తల దాచుకోవటానికి మంచి ఇల్లు.*

*ఇవి ఎంత అవసరమంటే - ఇతరులను యాచించి అయినా సమకూర్చుకోవలిసినవి.*

*కనుక వాటికి లోటులేకుండా, ఇతరుల వద్దకు వెళ్లి ,' దేహీ !' అని యాచించే దుస్థితి లేకుండా గౌరవంగా బ్రతకాలి*

 *ఇది రెండో కొరిక.*

*ఇక చివరిది అత్యంత ప్రధానమైనది ముక్తి.*

*ముక్తి అను పదానికి విడిపడటం అని అర్థం.*

*శారీరక బాధలనుండి, మనో వేదనల నుంచి, సమస్త లౌకిక బంధాల నుంచి విముక్తులం కావాలి*

*ఆపై పరిస్థితి ఏమిటి ? స్వర్గం వద్దు 'క్షీణే పుణ్యే మర్త్య లోకం విశంతి '*

*సంపాదించుకొన్న పుణ్యాన్ని ఆ స్వర్గంలో అనుభవించటం పూర్తి కాగానే తిరిగి భూలోకంలో జన్మించవలసిందే అంటారు.*

*అట్లా కాకుండా పునర్జన్మ లేని విధంగా భగవంతుడిలో ఐక్యమైపోవాలి.*

*మనం ఏ సచ్చిదానంద బ్రహ్మం నుంచి ఈ లోకానికి వచ్చామో ఆ బ్రహ్మం లో మమేకమై పోవాలి.*

*ఇదేసాయుజ్యం, సాలోక్యం, సామీప్యం, సారూప్యం అనే నాలుగు విధాలైన ముక్తులలో ఇది శ్రేష్ఠతమమైనది.*

*ఇది మూడో కోరిక.*

*సారాంశమేమంటే - బ్రతికినన్నాళ్ళు సంతోషంగా, గౌరవప్రదంగా బ్రతకాలి.*

*సంపూర్ణమైన ఆరోగ్యంతో 

సంపూర్ణ ఆయుషున్ని అనుభవించి హాయిగా మరణించాలి.*

*మరణించి మన ఇష్ట దైవంలో ఐక్యమైపోవాలి* 

*మనమందరమూ సర్వశక్తి సంపన్నుడైన ఆ భగవంతుణ్ణి కోరవలిసిన ముచ్చటైన మూడు కోరికలివే !*