సాయిబాబా ముందు సన్నాయి వాయిద్యం

 *సాయిబాబా ముందు సన్నాయి వాయిద్యం.*

*బాలాజీ పిలాజీ గురవే అనే సాయిభక్తుడు తరచూ ద్వారకామాయిలో బాబా ముందు సన్నాయి వాయిద్యం వాయించేవాడు.*

*బాబా అది విని " వీడు నన్ను తిడుతున్నాడు " అని బాబా కోపముతో అతణ్ణి కొట్టడానికి వెళ్లేవారు.*

*బాలాజీ బాబా దెబ్బలనుండి తప్పించుకొని, మరీ సన్నాయి వాయించేవాడు.* 

*సాయిబాబా బాలాజీని* 

*" గురువాడా " అని పిలిచేవారు.*

*ఒకసారి బాలాజీ కొడుకు, బాలాజీతో పాటు ద్వారకామాయికి బాబా వద్ధకు వస్తానని మారం చేసాడు. బాలాజీ దానికీ అడ్డుచెప్పి కోపించి కొట్టాడు.*

*అతడు బాబా దర్శనానికి వెళ్ళగా ," ఆ చిన్ని వెధవను ఎందుకు ఆలా కొట్టావు ? నా వద్దకి వస్తానంటే తీసుకు రావచ్చును కదా ! నీ సొమ్మేమి పొయింది ? అని బాలాజీ పై కేకలేశారు.*

*బాలాజీ బాబా సర్వఙ్ఞతకు, బాబాకు పిల్లలపై ప్రేమకు చలించిపోయాడు.*

*కొన్నాళ్లకు బాబా బాలాజీ భార్య కు కలలో కనపడి ఒక అర్థరూపాయి ఇచ్చారు.*

*బాలాజీ భార్యా కలలోనే, బాబాను ఒక గుడ్డను అడిగింది.*

*అందుకు బాబా " తరువాత ఇస్తానులే ! అని స్వప్నంలోనే చెప్పారు.*

*స్వప్నం ముగిసింది.*

*నిజముగానే అక్కడ అర్థరూపాయి నాణెం కనపడింది. ఆమె దానిని పూజించ సాగింది.*

*ఇక బాలాజీ సంసారం సుఖంగానే సాగిపోతున్నది.*

*బాబా బాలాజీ భార్యకు వాగ్దానము చేసినవిధంగా, సాయిబాబా సమాధి చెందిన తరువాత, సమాధి చేయు సంధర్భంలో బాబా శరీరంపై కప్పబడ్డ వస్త్రం ఆమె కుమారుని కి లభించింది.*

 *ఆ విధముగా బాబా తను ఇచ్చిన మాటను నిలబెట్టుకున్నారు.*