సర్వదేవతా స్వరూపుడైన సాయిబాబా, అన్ని మతాలకు ఆరాధ్య దైవముగా పూజింపబడుతున్నాడు

 *మా యేసు నీవేనని మా ప్రభువు నీవేననీ,ప్రార్ధనలు చేసేము సాయీ !*

*సర్వదేవతా స్వరూపుడైన సాయిబాబా, అన్ని మతాలకు ఆరాధ్య దైవముగా పూజింపబడుతున్నాడు.*

*వివిధ మతాల వారికి వారి ఇష్ట దైవంగా దర్శనం ప్రసాదిస్తున్నారు.*

*మిస్ దంతాన్ అనే క్రైస్తవ సన్యాసిని 1960 సం.మధ్య సమయములో కలకత్తా నగరములో నివసించేది.*

*ఆమె ఒక కాన్వెంట్ లో జీవితం గడిపేది. అక్కడ ఆమె ఇబ్బందులు ఎదుర్కొని, చివరకు ఆ ప్రదేశాన్ని విడిచి వచ్చేసింది.*

*తరువాత అనేక కష్టాలు మొదలైయ్యాయి. ఆమె వయసు పెద్దదై పోయింది. జీవన వృత్తి లేదు. చుట్టాలు అన్నవారు లేరు .ఆమెకు దగ్గర బంధువు ఒకడు ఎక్కడో కలకత్తాకు దూరంలో ఉన్నాడు.*

*ఒకనాడు తన చిన్న గదిలో విచారములో ఉండగా హఠాత్తుగా పొడుగాటి ఒక ఫకీరు ప్రత్యక్షమయ్యారు.*

*ఆయన తన గదిలోకి ఎలా ప్రవేశించాడో చెప్పలేకపోయింది.* 

*ఒక క్రైస్తవ సన్యాసిని గదిలో ఒక ముస్లిం ఫకీర్ ప్రవేశించడం అసంభవం.*

*ఆ ఫకీర్ దయగా ఆమె వైపు చూసి " అంతగా విచారపడకు. కొన్నాళ్ళకు అంతా చక్కబడుతుంది " అని పలికి దక్షిణ అడిగారు.*

*తన దగ్గర డబ్బేమీ లేదని ఆమె చెప్పగా, ఆ ఫకీర్ అక్కడ అలమారు లో ఉన్న పెట్టెలో ముప్ఫై అయిదు రూపాయలున్నాయి " అని చెప్పగా, ఆ విషయము మరిచిపోయాను, అని చెప్పినది.*

*ఆ డబ్బు తీసుకుని వచ్చి ఆ ఫకీరుకు ఇద్దామని వెళ్లి వచ్చేసరికి ఆ ఫకీర్ అదృశ్యమయ్యారు.*

*ఆ ఫకీర్ కనిపించిన తరువాత ఆమెకు ఎంతో మానసిక ప్రశాంతత లభించింది.*

*అనుకోకుండా ఆమె దూరపు బంధువు ఆమెకు జీవాతాంతం సంరక్షన కలిగించాడు.*

*తనను సంరంక్షించిన వ్యక్తికి కృతజ్ఞలు తెలుపుటకు చర్చికి వెళ్ళి ఆరాధన (mass ) లో పాల్గొని ధన్యవాదాలు‌ తెలిపేది.*

*సర్ ఆర్ధర్ aasborne  అనే విదేశీయుడు షిర్డి వెళ్ళి బాబా సమాధి దర్శించాడు.*

*ఆ దర్శనం ఆయనకు ఎంతో ఆనందం కలిగించింది.*

*అనుకోకుండా ఆయన మిస్ దంతాన్ ను కలిసాడు.* 

*ఆయనకు ఆమె ఫకీర్ వృత్తాంతం తెలిపింది.*

*" మీరు చూసిన ఫకీర్ బొమ్మ చూపిస్తాను " అని చెప్పి తన పేంట్ లో వున్న షిర్డి సాయిబాబా పటం తీసుకుని వచ్చి ఆ ముసలావిడకు చూపించాడు.*

*ఆ పటం చూపించగానే ఆశ్చర్యంతో "ఈయనే ఆ ఫకీర్. తలకు అచ్చంగా ఈ తెల్ల గుడ్డే వుంది. ఆమె అంతకు ముందెన్నడూ సాయిబాబా పేరు వినలేదు.*

*సర్వ మతాలవారు తన బంధువులేనన్న అపూర్వ ప్రేమ స్వరూపుడు షిర్డి సాయినాధుడు.*

*ఈ పవిత్ర క్రిష్టమస్ పర్వ దినమున " మా యేసు నీవేనని, మా ప్రభువు నివేనని ప్రార్ధన చేద్దాము.*