చూడగలిగితే అణువు అణువునా కనిపించును సాయి రూపం. వినగలిగితే రోమరోమాన వినిపించును సాయి నామం."*

 *" చూడగలిగితే అణువు అణువునా కనిపించును సాయి రూపం.*

*వినగలిగితే రోమరోమాన వినిపించును సాయి నామం."*

              

 *మోవురూ పెంచల నరసింహం.*

------------------'----------------------

*సాయిభక్తుడైన దాసగణు మహరాజ్ హరికథలు చెప్పుతూ మహరాష్ట్రలో అన్ని గ్రామాలకు, పట్టణాలకు తిరిగేవాడు.*

*దాసగణు ఒకసారి పూనా నగరంలో వామనరావు పోద్దార్ అనే భక్తుని ఇంట్లో బస చేస్తుండగా, బయట వీథిలో ఎవరో కుర్రవాని ఏడుపు వినబడింది.*

*దాసగణు ఆ బాలుని వద్దకు వెళ్ళి కారణమడిగాడు.*

*అందుకు ఆ బాలుడు " తాను భిక్షావృత్తి చేసుకొంటూ వేదాలు నేర్చుకొంటున్నానని, ఆ రోజున ఎవరో తనను ముట్టుకొన్నారని, ఆ రోజు భిక్షచేసిన ఆహారము తినకూడదని, మరుసటి రోజు కూడా భిక్ష చేయకూడదని, అందువల్ల ఆకలికి తట్టుకోలేకపోతున్నాని " దాసగణు కు చెప్పాడు.*

*పూనా వంటి మహానగరంలో మధూక వృత్తి చేసుకొంటూ, శాస్త్రములు అధ్యయనం చేసుకొంటూ, నియమ నిష్టలు పాటించే ఆ బాలుడు దాసగణు మహరాజ్ ను ఆకర్షించాడు.*

*అనాధుడైన ఆ బాలునకు శాశ్వత పోషణ ఏర్పాటు చేయ సంకల్పించాడు. తాను హరికథలు చెబుతూ అనేక ప్రదేశాలు తిరగవలిసిన పరిస్థితి ఉండటంవల్ల, ఆ బాలుణ్ణి అహమద్ నగర్ లో ఉంటున్న నానాసాబ్ వద్ద ఉంచాడు.*

*ఒకసారి అహ్మద్ నగర్ నందుకల నానాసాబ్ ఆ అనాధబాలునితో కలసి షిర్డి వెళ్ళి సాయిబాబా దర్శనం చేసుకున్నారు.*

*సాయిబాబా నానాసాబ్ ను ఉద్దేశించి " నానా ! దాసగణు కుమారుడిని నీవద్ద ఎందుకు ఉంచుకొన్నావు ? " అని సాయి పలికారు.*

*సాయి అదేశం ప్రకారం నానాసాబ్ ఆ బాలుడిని దాసగణు వద్దకు పంపాడు.*

*మరోసారి దాసగణు బాబా వద్దకు పోగా,  బాబా ఆతనితో, " అహ్మద్ నగర్ నందుగల, నానాసాబ్ వద్ద  నీ కుమారుణ్ణి ఎందుకు ఉంచావు ? నీ కొడుకుని నీవే చూసుకో ! ఇది దైవ నిర్ణయం " అని బాబా పలికాడు.*

*అనాధుడైన ఆ బాలురు బాబా అదేశం ప్రకారం, దాసగణు మహరాజ్ కు కుమారుడైనాడు.*