ఈ శరీరం చాలించిన తరువాత నేను షిరిడీలో సాయిబాబా రూపంలో ఉంటాను " అని అన్నారు అక్కల్కోట మహారాజుగా పేరుపొందిన శ్రీ స్వామి సమర్థ.*

 *"ఈ శరీరం చాలించిన తరువాత నేను షిరిడీలో సాయిబాబా రూపంలో ఉంటాను " అని అన్నారు అక్కల్కోట మహారాజుగా పేరుపొందిన శ్రీ స్వామి సమర్థ.*

*తన దేహము చాలించిన తరువాత తన భక్తులు, ఆశ్రితులు అయిన కొందరిని షిర్డీ సాయిబాబా వద్దకు వెళ్లమని సలహ యిచ్చారు.*

*షెగాం మహారాజుగా ప్రసిద్దులైన గజానన మహరాజ్, గణేశ శ్రీకృష్ణ ఖాపర్డే కుటుంబాన్ని, సాయిబాబాను ఆశ్రయించమని అదేశించారు.* 

*అనంతకోటి బ్రహ్మాండ నాయకుడు, రాజాధిరాజా, యోగిరాజా, పరబ్రహ్మ ,సమర్థ సచ్చిదానంద సద్గురువుగా, సాయిబాబాను కీర్తించటం మామూలు అయినది భక్తులకు.* 

*అందరికి సాయినాధునిలో సుగుణాలు ఆకట్టుకొన్నాయి.*

*అలా ఆకట్టుకోవడం ఎప్పటినుండో జరిగేది.*

*ఒకసారి సాయంకాలము షిరిడీలో గొప్ప తుఫాన్ సంభవించింది. గాలి ఎక్కువ అవుతున్నది. నేల అంతా నీటి మయమవుతుంది.*

*షిర్డి గ్రామ వాసులు అందరూ ద్వారకామాయికి వచ్చారు.*

*వారు విపత్తును తొలగించమని బాబాను ప్రార్ధించారు.*

*బాబా గొప్ప ధ్వనితో మశీదు అంచున నిలబడి " ఆగు ! ఆగు ! నీ కోపమును తగ్గించుము. నెమ్మదించుము ! " అని తుఫాన్ ని గద్దించారు.*

*కొన్ని నిముషాలలో తుఫాను ఉధృతి తగ్గింది. చంద్రుడు కనిపించాడు. ఎవరి ఇళ్లకు వారు వెళ్ళిపోయారు.*

*అలాంటి దైవిక శక్తులతో ప్రజలను కాపాడతారు మహనీయులు.*